نئی دہلی:بھارت میں منعقدہ اے آئی سمٹ مکمل بدانتظامی اور انتظامی ناکامی کے باعث تنقید کی زد میں آ گئی۔ شرکاء نے حکام کی نااہلی کے باعث شدید انتظامی بحران کی نشاندہی کی۔
برطانوی خبر رساں ادارے رویٹرز کے مطابق ناقص انتظامات کے باعث شرکاء سیشن کے اوقات کی تصدیق کے انتظار میں گھنٹوں پریشان رہے۔ ایک برطانوی جریدے کی رپورٹ میں بتایا گیا کہ شرکاء کو لمبی قطاروں، غیر معمولی بھیڑ اور انتشار کا سامنا کرنا پڑا، جبکہ اسٹالز سے مصنوعات چوری ہونے کی اطلاعات بھی سامنے آئیں۔
رپورٹ کے مطابق ڈیجیٹل ادائیگی کی سہولت نہ ہونے سے بین الاقوامی وفود کو مشکلات کا سامنا کرنا پڑا۔ بھارتی وزیر برائے انفارمیشن ٹیکنالوجی نے بدانتظامی کو تسلیم کرتے ہوئے انتظامات کے ناقص ہونے کا اعتراف بھی کیا۔
عالمی ماہرین کے مطابق بھارت کی اعلیٰ سیاسی قیادت کی ترجیحات ملکی مفاد کے بجائے ذاتی تشہیر اور میڈیا سرگرمیوں تک محدود ہیں، جبکہ ناقص منصوبہ بندی کے باعث ترقیاتی دعوے عملی میدان میں مؤثر ثابت نہیں ہو سکے۔
