دبئی: بلال بن ثاقب، چیئرمین پاکستان ورچوئل ایسٹس ریگولیٹری اتھارٹی نے بائننس بلاک چین ویک دبئی میں خطاب کرتے ہوئے کہا کہ پاکستان جیسے ابھرتے ہوئے ممالک کے لیے ورچوئل ایسٹس کی ریگولیشن معاشی ترقی کی کنجی ہے۔ تقریب میں سی زیڈ، مائیکل سیلر اور یو اے ای کے وزیر برائے مصنوعی ذہانت عمر سلطان العلمہ بھی موجود تھے۔
بلال بن ثاقب نے کہا کہ پاکستان دنیا کے لیے کرپٹو ریگولیشن کا ایک مؤثر ماڈل بن سکتا ہے اور پاکستان کے اسٹيبل کوائن اور ڈیٹا پوائنٹس کی کیس اسٹڈیز عالمی سطح پر رہنمائی فراہم کر سکتی ہیں۔ انہوں نے مزید کہا کہ دبئی اور ابوظہبی کے عالمی فورمز پر پاکستان کی نمائندگی ایک اہم سنگ میل ہے اور اس سے ورچوئل ایسٹس کے شعبے میں بین الاقوامی تعاون کے امکانات روشن ہو گئے ہیں۔
