27 ویں ترمیم پر مولانا نے کال دی تو حکمرانوں کو لگ پتہ جائے گا،شیخ رشید

راولپنڈی:عوامی مسلم لیگ کے سربراہ شیخ رشید احمدنے کہا ہے کہ 27 ویں ترمیم کے خواب دیکھنا چھوڑ دیں۔ یہ ترمیم ن اور ش کے گلے پڑے گی، انہیں کچھ نہیں ملے گا

راولپنڈی کی انسدادِ دہشت گردی کی عدالت کے باہر میڈیا سے گفتگو کرتے ہوئے شیخ رشید نے کہا کہ 27 ویں ترمیم کے خلاف مولانا فضل الرحمٰن کال دیں گے۔ 27 ویں ترمیم پر مولانا نے کال دی تو حکمرانوں کو لگ پتہ جائے گا۔

انہوں نے کہا کہ یہ ترمیم ن اور ش کے گلے پڑے گی، انہیں کچھ نہیں ملے گا۔

شیخ رشید احمد نے مزید کہا کہ قاضی فائز عیسیٰ سے جو ہورہا ہے وہ کہنے کی ضرورت نہیں۔ آرمی چیف سے ایک بار پھر سے اپیل ہے کہ سانحہ نو مئی میں بے گناہ گرفتار ریڑھی قلفی والے اور مزدوروں کو معاف کر دیں غریب کے لیے عدالتوں میں آنا آسان نہیں ہے۔