اسلام آباد:سائرس سجاد قاضی کو سیکرٹری خارجہ مقرر کردیا گیا ہے جبکہ نگراں وفاقی کابینہ کے لیے مشاورت مکمل کر لی گئی ہے۔
ترجمان وزارت خارجہ کے مطابق اسد مجید کی ریٹائرمنٹ پر سائرس سجاد قاضی سیکرٹری خارجہ کی ذمہ داریاں سنبھالیں گے۔
دوسری جانب نگراں وفاقی کابینہ کے لیے مشاورت مکمل کر لی گئی ہے۔ذرائع کے مطابق جلیل عباس جیلانی کو وزارت خارجہ اور سرفراز بگٹی کو وزارت داخلہ کا قلمدان سونپے جانے کا امکان ہے۔
ذرائع کاکہناہے کہ دفاعی تجزیہ کار ڈاکٹر سید محمد علی کو وزیر اطلاعات بنائے جانے کا امکان ہے۔
