اسلام آباد: ڈسٹرکٹ اینڈ سیشن کورٹ میں ٹک ٹاکر ثناء یوسف قتل کیس کی سماعت ایڈیشنل سیشن جج افضل مجوکا نے کی۔
عدالت میں پراسیکیوٹر نوید کیانی پیش ہوئے، جبکہ پراسیکیوشن کے ایک اور گواہ کا بیان قلمبند کیا گیا۔ سماعت کے دوران پانچ گواہان موجود تھے، جن میں آمنہ بی بی کا بیان مکمل طور پر ریکارڈ کیا گیا۔
ذرائع کے مطابق گواہ پر جرح کے دوران وکیلِ صفائی کی طبیعت ناساز ہو گئی، جس کے باعث کارروائی کو مزید جاری نہ رکھا جا سکا۔
عدالت نے سماعت 30 اپریل تک ملتوی کرتے ہوئے آئندہ تاریخ پر مزید پیش رفت کی ہدایت کی۔
