Physical Address
304 North Cardinal St.
Dorchester Center, MA 02124
لاہور: انسداد دہشتگردی عدالت نے مسلم لیگ ن آفس جلانے کے کیس میں صنم جاوید اور محمد تنویر کی درخواست ضمانت منظور کرلی تاہم بعدازاں پولیس نے صنم جاوید کو تھانہ شادمان میں درج مقدمے میں گرفتار کرلیا۔
انسداد دہشت گردی عدالت کے جج ارشد جاوید چدھڑ نے صنم جاوید اور محمد تنویر کی بعدازگرفتاری ضمانت پر محفوظ فیصلہ سنایا۔
وکیل نے عدالت میں موٴقف اختیار کیاکہ ملزمہ صنم جاوید کو چھ ماہ بعد اس مقدمہ میں ملوث کیا گیا ، ڈپٹی پراسیکیوٹر عبد الجبار ڈوگر نے ضمانت مسترد کرنے کی استدعا کی۔
پراسیکیوٹر نے کہا کہ ملزمہ صنم جاوید نے عوام کو جلاوٴ گھیراوٴ پر اکسایا ، انسداد دہشت گردی عدالت کے جج ارشد جاوید نے فیصلہ سناتے ہوئے درخواست ضمانت منظور کرلی۔
یاد رہے کہ تھانہ ماڈل ٹاوٴن پولیس نے پی ٹی آئی کارکن صنم جاوید کیخلاف مسلم لیگ ن کا دفتر جلانے کا مقدمہ درج کر رکھا ہے۔
بعدازاں پولیس نے صنم جاوید کو تھانہ شادمان میں درج مقدمے میں گرفتار کرلیا۔
پولیس کے مطابق صنم جاوید کو دہشت گردی کے مقدمے میں گرفتار کیا گیا ہے، ملزمہ کو انویسٹی گیشن پولیس نے حراست میں لیا، صنم جاوید کو تھانہ شادمان منتقل کیا جائے گا۔
