دبئی: بھارتی فلم انڈسٹری بالی ووڈ کے نامور اداکار سنجے دت قومی کرکٹ ٹیم کے سابق کپتان وسیم اکرم کی سوئنگ باولنگ کے مداح نکلے۔
متحدہ عرب امارات میں جاری انٹرنیشنل ٹی20 لیگ میں کمنٹری کے فرائض سرانجام دینے والے سابق کپتان وسیم اکرم اور بالی ووڈ اسٹار سنجے دت ایک ایونٹ میں شریک تھے، جہاں تقریب میں بھارتی اداکار نے وسیم اکرم کے ساتھ بلائے جانے کو اپنے لیے اعزاز قرار دیا۔
انہوں نے کہا کہ کئی سالوں سے وسیم اکرم کو جانتا ہوں، میں نے اپنی زندگی میں جو بہترین کرکٹرز دیکھے یہ ان میں سے ایک ہیں ۔دورانِ تقریب سنجےدت نے سابق کرکٹر کی سوئنگ باولنگ کی تعریف کرتے ہوئے کہا کہ اسکی باولنگ سے واقعی بلےباز ڈرتے تھے۔
یاد رہے کہ ٹیسٹ اور ون ڈے میں دو، دو ہیٹ ٹرک کا اعزاز حاصل کرنے والے وسیم اکرم نے 104 ٹیسٹ میچوں میں پاکستان کی نمائندگی کرتے ہوئے 414 وکٹیں حاصل کیں جبکہ 1996 اور 1999 میں ورلڈکپ کے دوران پاکستان کی قیادت کے فرائض بھی سرانجام دیئے۔
