اڈیالہ جیل میں بانی پی ٹی آئی سے ملاقاتوں کا شیڈول جاری

راولپنڈی: اڈیالہ جیل میں بانی پاکستان تحریک انصاف سے ملاقاتوں کے سلسلے میں کل وکلا کی ملاقات کا دن مقرر ہے۔

ذرائع کے مطابق پی ٹی آئی وکلا کی جانب سے ملاقات کرنے والوں کی فہرست جیل حکام کے حوالے کر دی گئی ہے، جس میں بیرسٹر گوہر، سلمان اکرم راجہ اور خالد یوسف کے نام شامل ہیں۔

مزید بتایا گیا ہے کہ نعیم پنجوتھا، تابش فاروق اور راجہ ہارون الرشید بھی ملاقات کرنے والوں میں شامل ہوں گے۔

جیل ذرائع کے مطابق منگل کے روز بانی پی ٹی آئی اور بشریٰ بی بی سے ان کے اہلخانہ کی ملاقات کا بھی امکان ہے۔