لاہور/اسلام آباد: تحریک انصاف کے کارکنوں کی جانب سے ملک بھر میں احتجاج جاری، ملک بھر میں سوشل میڈیا اور موبائل سروس معطل، لاہور میں رینجرز طلب کرلی گئی۔
کشیدہ حالات کے پیش نظر پاکستان بھر میں سوشل میڈیا سروسز بند کردی گئیں، لاہور، اسلام آباد اور راولپنڈی کے بیشتر علاقوں میں موبائل سروس بند کردی گئی جبکہ اسلام آباد کے مختلف سیکٹرز میں بجلی کی بھی بند ہے۔
وزارت داخلہ کی سفارش پر پاکستان ٹیلی کمیونیکیشن اتھارٹی نے میں بھر میں ٹوئٹر، یوٹیوب، فیس بک، اور واٹس ایپ کو بند کردیا۔
ایڈیشنل چیف سیکرٹری ہوم میاں شکیل احمد نے بتایا لاہور میں رینجرز بھی طلب کر لی گئی ہے، حکومت عوام کے جان و مال کا تحفظ یقینی بنائے گی۔
