جنوبی افریقہ کی خواتین کرکٹ ٹیم دورہ پاکستان پر کل لاہور پہنچ رہی ہے۔جنوبی افریقہ کے خلاف ون ڈے سیریز اور ویمنز کرکٹ ورلڈ کپ کےلئے قومی خواتین ٹیم کے تربیتی کیمپ کا آج آخری روز ہے۔
کیمپ میں کرکٹرز ، ہیڈ کوچ محمد وسیم کی زیر نگرانی بیٹنگ، باؤلنگ اور فیلڈنگ میں اپنی صلاحیتیں نکھارنے پر بھرپور توجہ دے رہی ہیں۔پاکستان اور جنوبی افریقہ کی خواتین کرکٹ ٹیموں کے درمیان تین میچز کی ون ڈے سیریز 16ستمبر سے لاہور میں کھیلی جائے گی۔ ویمنز ورلڈ کپ 30ستمبر سے بھارت اور سری لنکا میں کھیلا جائےگا۔ قومی خواتین ٹیم اپنے تمام میچز کولمبو میں کھیلے گی۔
