جلسوں میں تقریروں سے لیول پلیئنگ فیلڈ نہیں ملتی، اعظم نذیر تارڑ

اسلام آباد:سابق وزیر قانون اعظم نذیر تارڑ کا کہنا ہے کہ جلسوں میں تقریریں کرنے سے لیول پلیئنگ فیلڈ نہیں ملتی۔

سابق وزیر قانون اعظم نذیر تارڑ نے الیکشن کمیشن کے باہر صحافیوں سے گفتگو کرتے ہوئے کہا کہ سب کو لیول پلیئنگ فیلڈ مل رہی ہے، سیاسی جماعتوں کی جانب سے الیکشن رولز میں بعض ترامیم پر اتفاق ہو گیا ہے، الیکشن رولز میں ترامیم کے معاملے پر سیاسی جماعتوں نے اپنا اپنا مؤقف پیش کیا۔

اعظم ندیر تارڑ نے مزید کہا کہ کافی پوائنٹس پر سیاسی جماعتوں کا اتفاق بھی ہوا ہے۔