نئی دہلی:بھارت میں طلبہ نے پاسنگ مارکس کیلئے کاپیوں کے ساتھ نوٹ منسلک کر دیئے۔
بھارت کے ایک پولیس افسر نے سماجی رابطے کی ویب سائٹ ایکس (ٹوئٹر) پر تصویر شیئر کی جو امتحان دینے والے طلبہ کی طرف سے جوابی کاپیوں میں چھپائے گئے نوٹوں کی ہے۔
پولیس افسر ارن بوتھرا نے کہا کہ یہ تصویر ایک ٹیچر نے بھیجی ہے، یہ نوٹ طلبہ نے امتحانی کاپی میں چھپائے ہوئے تھے اور طلبہ یہ درخواست کر رہے تھے کہ انہیں بورڈ امتحان میں پاس کر دیا جائے۔
پولیس افسر کا کہنا ہے کہ یہ واقعہ ہمارے طلبہ، اساتذہ اور پورے تعلیمی نظام کو بیان کر رہا ہے، اس پوسٹ پر کئی اساتذہ نے کمنٹس میں بتایا کہ یہ سلسلہ پچھلی کئی دہائیوں سے جاری ہے۔
