اسلام آباد:نگران وفاقی کابینہ کا اجلاس آج طلب کر لیا گیا، اجلاس میں ملک کی معاشی صورتحال اور امن و امان کا جائزہ لیا جائے گا۔
ذرائع کے مطابق نگران وزیر اعظم انوار الحق کاکڑ نے وفاقی کابینہ کا اجلاس آج طلب کیا ہے، نگران وفاقی کابینہ کا اجلاس شام کو وزیر اعظم ہاوٴس میں ہو گا، وفاقی کابینہ ملکی معاشی اور امن و امان کی صورتحال کا جائزہ لے گی۔
ملک میں حالیہ ہونے والی دہشت گردی پر خصوصی طور پر اجلاس میں گفتگو ہوگی۔
ملک میں امن و امان کی صورتحال مزید بہتر بنانے کیلئے اہم فیصلے بھی متوقع ہیں۔
