پیپلز پارٹی کی سینٹرل ایگزیکٹو کمیٹی کا اجلاس کل پھر ہوگا

لاہور:پیپلز پارٹی کی سینٹرل ایگزیکٹو کمیٹی کا آج کا اجلاس اختتام پذیر ہو گیا، اجلاس کل دوبارہ تین بجے شروع ہو گا۔

اجلاس میں آج کی دو نشستوں میں 90 دن کے اندر انتخابات اور ائندہ انتخابی لائحہ عمل پر ارکان نے اپنی آرا کا اظہار کیا، اجلاس میں نگران حکومت اور الیکشن کمیشن کے حوالے سے سوالات پر سیر حاصل بحث کی گئی۔

آج زیر بحث آنے والے نکات کو کل حتمی شکل دی جائے گی، اجلاس کل دوبارہ بلاول ہاؤس لاہور میں تین بجے منعقد ہوگا۔

اجلاس کے بعد چیئرمین پیپلز پارٹی بلاول بھٹو زرداری پریس کانفرنس کریں گے۔