چیئرمین تحریک انصاف کے جسمانی ریمانڈ کی نیب کی استدعا پر فیصلہ محفوظ

راولپنڈی:احتساب عدالت نے 190 ملین پاؤنڈ سکینڈل کیس میں چیئرمین پی ٹی آئی کے جسمانی ریمانڈ کی نیب کی استدعا پر فیصلہ محفوظ کر لیا۔

چیئرمین پی ٹی آئی کے خلاف 190 ملین پاؤنڈ سکینڈل کیس کی سماعت احتساب عدالت کے جج محمد بشیر نے اڈیالہ جیل میں کی۔

نیب کے ڈپٹی پراسیکیوٹر جنرل سردار مظفر عباسی اور چیئرمین پی ٹی آئی کے وکلا بیرسٹر سلمان صفدر اور بیرسٹر عمیر نیازی عدالت میں پیش ہوئے۔

دوران سماعت نیب کی جانب سے 10 روزہ جسمانی ریمانڈ کی استدعا کی گئی جس پر وکلا صفائی نے جسمانی ریمانڈ کی مخالفت میں دلائل دیے۔

بعدازاں دلائل سننے کے بعد عدالت نے فیصلہ محفوظ کرلیا۔