راولپنڈی :بجلی کے بلوں میں بھاری اضافے پر عوام کے بعد سرکاری ادارے بھی چیخ اٹھے پنجاب کے سرکاری اداروں کی بلڈنگز تنصیبات سولر سسٹم پر منتقل کرنے کا فیصلہ کیاگیاہے ۔
چیئرمین پی این ڈی افتخار احمد سہو کی زیر صدارت اجلاس میں فیصلہ کیا گیا کہ پنجاب کی پانچ واسا اور 19 دیگر اداروں کی بلڈنگز تنصیبات سولر سسٹم پر منتقل ہونگی۔
واسا راولپنڈی کے راول فلٹریشن پلانٹ پر 250 کے ڈبلیو کے سولر سسٹم پر منتقل کیا جائے گاراول فلٹریشن پلانٹ کے سولر پر منتقلی پر 6 کروڑ خرچ ہونگے راولپنڈی کی اڈیالہ جیل کو 50 کروڑ کی لاگت سے 2 میگا واٹ سولر سسٹم پر منتقل کیا جائے گا۔
راولپنڈی،لاہور،فیصل اباد،گوجرانوالہ،۔ملتان کی واسا کو دستیاب سائٹس پر سولر سسٹم لگانے کی ہدایت کردی گئی۔ اجلاس نے پنجاب کے 19 اداروں سے سولر سسٹم لگانے کے پراجیکٹس کی تفصیلات طلب کرلیں۔
چیئرمین پی این ڈی کا کہنا تھا کہ سرکاری ادارے سولر سسٹم پر جاکر ماہانہ ساٹھ سے ستر فیصد ماہانہ بجلی بل کی بچت کرسکیں گے۔چیئرمین پی این ڈی کی زیر صدارت اجلاس میں کئی افسران ویڈیو لنک پر شریک ہوئے۔
