الیکشن کمیشن نے 3 حلقوں میں انتخابات روک دیے

اسلام آباد: الیکشن کمیشن آف پاکستان نے تین حلقوں میں انتخابات روک دیے۔

الیکشن کمیشن کی جانب سے جاری نوٹیفکیشن کے مطابق تینوں حلقوں میں الیکشنز امیدواروں کی وفات کی وجہ سے روکے گئے ہیں۔

نوٹیفکیشن کے مطابق این اے 8 باجوڑ، پی کے 22 باجوڑ اور پی کے 91 کوہاٹ میں الیکشنز روکے گئے۔

الیکشن کمیشن کا کہنا ہے کہ تینوں حلقوں میں انتخابات کا شیڈول بعد میں جاری ہوگا، تینوں حلقوں میں امیدوار دوبارہ کاغذات نامزدگی جمع کرائیں گے۔