کراچی:امریکی کرنسی کی اڑان کا سلسلہ تاحال برقرار ہے۔روپے کی قدری مسلسل جاری ہے۔
کاروباری ہفتے کے پہلے روز انٹربینک میں ڈالر کی قیمت میں ایک روپے کا اضافہ ہوا ہے جس کے بعد انٹربینک میں ڈالر 302 روپے کی سطح پر بند ہوا ہے۔
یاد رہے کہ گزشتہ کاروباری ہفتے کے آخری روز انٹربینک میں ڈالر 301 روپے پر بند ہوا تھا۔
انٹربینک میں ڈالر کی قیمت میں گزشتہ ہفتے 5 روپے 22 پیسے کا اضافہ ہوا جبکہ نگران حکومت کے دور میں ڈالر کی قیمت میں 13 روپے 26 پیسے کا اضافہ ہو چکا ہے۔
ادھر اوپن مارکیٹ میں بھی ڈالر کی اڑان کا سلسلہ برقرار ہے، اوپن مارکیٹ میں امریکی کرنسی کی قدر میں 3 روپے اضافہ ہوا ہے جس کے بعد اوپن مارکیٹ میں ڈالر 319 روپے میں فروخت ہو رہا ہے۔
