حکومت مالی سال26۔ 2025 کا بجٹ 10 جون کو پارلیمنٹ میں پیش کرے گی

اسلام آباد:حکومت مالی سال26۔ 2025 کا بجٹ 10 جون بروز منگل کو پارلیمنٹ میں پیش کرے گی، جس میں میکرو اکنامک استحکام ، ترقی پر مبنی اصلاحات کے فروغ اور عوام کی سماجی و اقتصادی توقعات پر پورا اترنے کے لیے ایک جامع روڈ میپ پر توجہ مرکوز کی جائے گی۔ وفاقی وزیر خزانہ و ریونیو سینیٹر محمد اورنگزیب بجٹ پیش کریں گے۔
دوسری جانب ملکی معیشت کی صورتحال پیش کرنے والی ایک اہم پری بجٹ دستاویز’’اکنامک سروے آف پاکستان کل‘‘9 جون (پیر) کو جاری کیا جائے گا۔ یہ سروے اختتام پذیر مالی سال کے دوران معیشت کی مجموعی کارکردگی کو اجاگر کرے گا جو ایک حقیقت پسندانہ رائے اور مستقبل کی منصوبہ بندی کی بنیاد بھی فراہم کرے گا۔