کراچی :ملک میں سونے کی فی تولہ قیمت میں یکمشت 10 ہزار 900 روپے کا اضافہ ہو گیاہے۔
آل پاکستان صرافہ جیمز اینڈ جیولرز ایسوسی ایشن کے مطابق اس اضافے کے بعد سونے کی فی تولہ قیمت 5 لاکھ 32 ہزار 62 روپے تک پہنچ چکی ہے۔
اسی طرح 10 گرام سونے کی قیمت 9 ہزار 345 روپے بڑھ کر 4 لاکھ 56 ہزار 157 روپے ہوگئی ہے۔
دوسری جانب عالمی منڈی میں سونے کی قیمت پہلی بار 5 ہزار ڈالر فی اونس سے تجاوز کر گئی۔
عالمی بازار میں سونے کی قیمت 109 ڈالر کم ہو کر 5097 ڈالر فی اونس ہے۔
ایسوسی ایشن کے اعلامیے کے مطابق فی تولہ چاندی کی قیمت 627 روپے اضافے سے 11 ہزار 428 روپے ہے۔
خیال رہے کہ رواں سال سونے کی قیمت میں 17 فیصد اضافہ ہوا ہے۔
