پنجگور میں نامعلوم افراد کی فائرنگ سے5 افراد جاں بحق

کوئٹہ: پنجگور کی تحصیل پروم میں نامعلوم افراد کی فائرنگ سے پانچ افراد جاں بحق ہوگئے۔

سکیورٹی ذرائع کے مطابق فائرنگ سے ایک شخص زخمی بھی ہوا ہے ، جاں بحق افراد کی لاشیں ٹیچنگ ہسپتال منتقل کردی گئیں۔

ضلعی انتظامیہ کا کہنا ہے کہ جاں بحق اور زخمی افراد تعمیراتی کمپنی کے کیمپ میں سیکورٹی پر معمور تھے، مسلح افراد نے کمپنی کی مشینری کو نذرآتش کردیا۔