کابل:افغانستان کے وزیرِ داخلہ نے ملک بھر میں طالبان پولیس کمانڈ کو خط لکھ کر دہشتگردی کے خطرے سے آگاہ کردیا۔ان کاکہناہے کہ داعش سرکاری اور عوامی رہنماوٴں کو خودکش حملوں اور بم دھماکوں سے نشانہ بنانا چاہتی ہے۔
افغان وزیرِ داخلہ کے خط کے مطابق افغانستان میں داعش کے دہشتگرد طالبان رہنماوٴں کو نشانہ بنانے کی منصوبہ بندی کر رہے ہیں۔
انہوں نے اپنے خط میں کہا ہے کہ داعش سرکاری اور عوامی رہنماوٴں کو خودکش حملوں اور بم دھماکوں سے نشانہ بنانا چاہتی ہے۔
افغان میڈیا کے مطابق وزارتِ داخلہ کے ترجمان نے وزیرِ داخلہ کے خط کے مندرجات کی تصدیق کردی ہے۔ ترجمان وزارتِ داخلہ نے داعش کے خطرے سے متعلق مزید تفصیلات بتانے سے گریز کیا ہے۔
