راولپنڈی:پاکستان مسلم لیگ (ن) کے رہنما دانیال عزیز نے پارٹی شوکاز نوٹس مسترد کردیا پارٹی نظم وضبط اور پالیسی کی کوئی خلاف ورزی نہیں کی، دانیال عزیز ڈٹ گئے ۔
دانیال عزیز نے تین صفحات پر مشتمل جواب میں پارٹی موقف رد کردیا۔
اپنے بیان پر قائم ہوں، دانیال عزیز اپنے موقف پر ڈٹ گئے۔دانیال عزیز نے کہا کہ پارٹی قیادت ملاقات کا وقت دے،احسن اقبال نے میرے حلقے میں اپنے بیٹے کے لئے ریلیاں کیں، بطور وزیر منصوبہ بندی احسن اقبال کی ناکامیوں کی بات کی ،ضابطے کے مطابق معاشی خرابیوں کے ذمہ دار احسن اقبال ہیں، مختلف آپریشنز سے گزر رہا ہوں، اس لئے بروقت جواب نہیں دے سکا۔
دانیال عزیز نے مزید کہا کہ پاکستان مسلم لیگ (ن) پنجاب کے صدر رانا ثناء اللہ نے 2 دسمبر 2023 کو شوکاز جاری کیاتھا۔
