آج پوری قوم متحد ،سپہ سالار اور حکومت نے بھارتی بالادستی ختم کردی ،گورنر سندھ

کراچی :گورنر سندھ کامران ٹیسوری نے کہاہے کہ آج پوری قوم متحد ہے ، آج سپہ سالار اور حکومت نے بھارتی بالادستی ختم کردی ہے جس کا معیشت پر اثر ہے ۔
آل پاکستان چیمبرز کے صدور سے خطاب کرتے ہوئے گورنر سندھ کاکہناتھاکہ آج معیشت کو آگے لے جانے کی بات کرتے ہیں لیکن پاکستان کی ہر حکومت تاجروں اور صنعت کاروں سے مانگتی آئی ہے تاجروں نے کبھی مایوس نہیں کیا ۔
کامران ٹیسوری نے کہاکہ آج سپہ سالار جنرل سید عاصم منیر کو اللہ نے عزت دی انہوں نے ایک جنگ بھارت کے خلاف لڑی اور ایک اندرونی انتشار کے خلاف ، آج پوری قوم متحد ہے ، آج سپہ سالار اور حکومت نے بھارتی بالادستی ختم کردی ہے جس کا معیشت پر اثر ہے ۔
گورنر سندھ نے مزید کہا کہ آج سیاسی جماعتیں حکومت ایک پیج پر آج سب مل کر میثاق معیشت بناتے ہیں ، ان حکومتی عہدیداروں کے کان کھینچیں جائیں جو اپنی نااہلی تاجروں پر ڈالتے ہیں ۔ تاجر ریڑھ کی ہڈی ہیں ، بنیان المرصوص آپریشن میں پوری قوم سیسہ پلائی دیوار بن کر کھڑی ہوئی ۔