وزیراعظم شہباز شریف اور ان کے وفد کی میزبانی کر کے خوشی ہوئی،ترک صدر

استنبول :ترک صدر رجب طیب اردوان نے کہا ہے کہ وزیرِاعظم پاکستان شہباز شریف اور ان کے وفد کی میزبانی کر کے خوشی ہوئی۔ اللہ تعالیٰ ہماری یکجہتی اور بھائی چارے کو قائم رکھے۔
سماجی رابطے کے پلیٹ فارم ”ایکس “ پر بیان میں ترک صد رنے کہا کہ وزیرِاعظم پاکستان کے ساتھ کئی اہم امور پر تبادلہ خیال کیا، شہباز شریف اور ان کے وفد کے ساتھ معیشت، تجارت اور سلامتی پر بات ہوئی۔
ترک صدر کا کہنا تھا کہ ترکیہ اور پاکستان کے درمیان تعلقات کو ہر شعبے میں مزید مضبوط بنانے پر زور دیا۔
رجب طیب اردوان نے کہا کہ وزیرِ اعظم پاکستان کے ذریعے پاکستانی بھائیوں کو محبت کا پیغام دیتا ہوں، شہباز شریف اور ان کے وفد کا ترکیہ کے دورے کا شکریہ ادا کرتا ہوں۔انہوں نے مزید کہا کہ اللہ تعالیٰ ہماری یکجہتی اور بھائی چارے کو قائم رکھے۔