اسلام آباد:قائم مقا م صدرسید یوسف رضا گیلانی نے کہاہے کہ دنیا کو درپیش چیلنجز کے حل کے لیے اتحاد اور باہمی تعاون ناگزیر ہے۔موجودہ غیر یقینی عالمی حالات میں یہ کانفرنس امید اور اشتراکِ عمل کی علامت ہے۔
ان خیالات کااظہارانہوں نے ایس ڈی پی آئی کی 28ویں سالانہ پائیدار ترقیاتی کانفرنس کے افتتاحی عشائیے سے خطاب کرتے ہوئے کیا۔
قائمقام صدر سید یوسف رضا گیلانی نے کہا کہ دنیا کو درپیش چیلنجز کے حل کے لیے اتحاد اور باہمی تعاون ناگزیر ہے۔انہوں نے کہا کہ موجودہ غیر یقینی عالمی حالات میں یہ کانفرنس امید اور اشتراکِ عمل کی علامت ہے۔
سید یوسف رضا گیلانی نے کانفرنس کے موضوع “SUSTAINABLE DEVELOPMENT IN THE EMERGING WORLD DIS/ORDER” کو حالات کا عکاس قرار دیتے ہوئے کہا کہ پائیداری بقا کی ضرورت ہے، عیاشی نہیں۔
انہوں نے جنوبی ممالک کے درمیان علم، ٹیکنالوجی اور پالیسی تعاون پر زور دیتے ہوئے 2030ء کے پائیدار ترقیاتی اہداف پر پاکستان کے عزم کا اعادہ کیا۔قائم مقام صدر نے بتایا کہ سینیٹ آف پاکستان اسی ماہ دو روزہ انٹرپارلیمنٹری اسپیکرز کانفرنس کی میزبانی کرے گا جس کا موضوع امن، سلامتی اور ترقی ہوگا۔
انہوں نے کہا کہ پائیدار ترقی آنے والی نسلوں سے ہمارا اخلاقی اور سیاسی عہد ہے، اور پاکستان اس مشترکہ جدوجہد میں صفِ اوّل میں رہے گا۔
