کیلیفورنیا:واٹس ایپ کی جانب سے گزشتہ چند ہفتوں کے دوران متعدد نئے فیچرز متعارف کرائے گئے ہیں۔
واٹس ایپ اب صارفین کیلئے سٹیٹس اپ ڈیٹ ہیڈر کا نیا لے آؤٹ جلد متعارف کرانے جا رہی ہے۔
غیر ملکی خبر رساں ایجنسی کے مطابق بیٹا انفو کی رپورٹ کے مطابق میٹا کی ذیلی ایپ نے نئے ڈیزائن والا سٹیٹس اپ ڈیٹ ہیڈر صرف اینڈرائیڈ بیٹا صارفین کیلئے جاری کیا ہے جس کیلئے صارفین کو 2.23.26.13 ورژن ڈاؤن لوڈ کرنا ہوگا۔
واٹس ایپ سٹیٹس اپ ڈیٹس ہیڈر میں کیمرا اور پینسل کے نشان کے 2 بٹن کا اضافہ کر رہا ہے جو صارفین کیلئے شارٹ کٹ کے طور پر کام کریں گے اور صارفین بغیر کسی زحمت کے تصاویر، ویڈیوز اور تحریر اپنے کانٹیکٹس کے ساتھ شیئر کر سکیں گے۔
رپورٹ کے مطابق کمپنی کا مقصد کیمرے اور پینسل کے بٹن شامل کر کے لے آؤٹ کو منظم بناتے ہوئے صارفین کے تجربے کو بہتر بنانا ہے۔
خیال رہے کہ گزشتہ دنوں واٹس ایپ نے آزمائش کیلئے چینلز الرٹس فیچر اپنے صارفین کیلئے متعارف کرایا ہے۔
