اسلام آباد: وزیر اعظم شہباز شریف نے باجوڑ میں دہشت گردی کے واقعے کے سوگ میں سی پیک کی دس سالہ تقریبات سادگی سے منانے کا فیصلہ کیا ہے۔
سی پیک کے دس سال مکمل ہونے کی خوشی میں کلچر شو بھی منسوخ کر دیا گیا، سی پیک کے دس سال مکمل ہونے کی خوشی میں منعقدہ تقریب کلچرل شو کے بغیر سادگی سے منعقد ہو گی۔
وزیراعظم نے ہدایت کی ہے کہ قوم سوگ کی حالت میں ہے لہٰذا کلچر شو منعقد نہ کیا جائے، چین کے نائب وزیر اعظم ہی لی فینگ کی آمد کے موقع پر کلچر شو منعقد ہونا تھا۔
خیال رہے باجوڑ میں گزشتہ روز جے یو آئی (ف) کے ورکرز کنونشن میں خودکش بم دھماکے سے 44 افراد شہید اور 200 سے زائد زخمی ہوئے تھے۔
