کراچی: نسداد دہشت گردی عدالت نے تحریک انصاف کے رہنما ء حلیم عادل شیخ کو رہا کرنے کا حکم دے دیا۔
پی ٹی آئی رہنما حلیم عادل شیخ کو عدالت میں پیش کیا گیا تو پولیس نے عدالت سے ملزم کے جسمانی ریمانڈ کی استدعا کی۔
پی ٹی آئی کے وکلاء نے ملزم کی رہائی کی درخواست دائر کی ، انسدد دہشت گردی عدالت نے دونوں درخواستوں پر فیصلہ محفوظ کیا۔بعدازاں عدالت نے محفوظ فیصلہ سناتے ہوئے حلیم عادل شیخ کی رہائی کا حکم جاری کردیا۔
گزشتہ روز پولیس نے حلیم عادل شیخ کو سندھ ہائی کورٹ کے باہر سے گرفتار کیا تھا۔
سندھ ہائیکورٹ نے پاکستان تحریک انصاف کے رہنما حلیم عادل شیخ کی عبوری ضمانت 7 دن کیلئے منظور کی تھی۔
واضح رہے کہ حلیم عادل شیخ پاکستان تحریک انصاف سندھ کے صدر ہیں اور وہ حال ہی میں تحلیل ہونے والی سندھ اسمبلی میں قائد حزب اختلاف بھی تھے۔
