اسلام آباد:اسلام آباد ہائیکورٹ نے سائفر کیس کی اٹک جیل میں سماعت کرنے کیخلاف چیئرمین پی ٹی آئی کی درخواست پر نوٹس جاری کرتے ہوئے متعلقہ فریق سے آئندہ سماعت پر جواب طلب کر لیا۔
چیف جسٹس عامر فاروق نے چیئرمین پی ٹی آئی کی درخواست پر کیس کی سماعت کی،چیئرمین پی ٹی آئی کے وکیل شیر افضل مروت نے دلائل دیتے ہوئے کہا کہ آفیشل سیکرٹ ایکٹ کیسز کی متعلقہ عدالت مجسٹریٹ کی ہے۔
انسداد دہشت گردی عدالت کے جج کو آفیشل سیکریٹ ایکٹ کے تحت مقدمات کا اختیار دینا غلط ہے، استدعا ہے کہ نوٹس جاری کر کے جواب طلب کر لیا جائے۔
عدالت نے استدعا منظور کرتے ہوئے نوٹس جاری کر کے جواب طلب کر لیا، کیس کی آئندہ سماعت اگلے ہفتے تک ملتوی کر دی۔
