پاکستان دوسرے ممالک سے تجارت چاہتا ہے امداد نہیں،صدر عارف علوی

اسلام آباد:صدر مملکت ڈاکٹر عارف علوی کا کہنا ہے کہ پاکستان سرمایہ کاری کے لیے بے پناہ مواقع فراہم کرتا ہے، تمام ممالک پاکستان کی سرمایہ کار دوست پالیسیوں سے مستفید ہوں۔

سفیروں کے سالانہ عشائیہ سے خطاب کرتے ہوئے صدر مملکت ڈاکٹر عارف علوی نے کہا کہ سرمایہ کاروں کا تعاون زراعت، صنعت، آئی ٹی، تعلیم و ٹیکنالوجی کے شعبوں میں ہونا چاہیے، پاکستان دوسرے ممالک سے تجارت چاہتا ہے امداد نہیں۔

صدر مملکت نے کہا کہ ٹیکنالوجی کی منتقلی سے پاکستان کی ترقی میں مدد مل سکتی ہے، معاشی سرگرمیوں میں خواتین کی شرکت ترقی کی کلید ہے، اسلام انسانوں سے محبت کا درس دیتا ہے۔