کراچی: کراچی کے شمالی مضافاتی علاقوں میں اچانک بادل برس پڑے، متعدد علاقوں میں موسلادھار بارش ہوئی۔
کراچی کے شمالی مضافاتی علاقوں میں اچانک ہونے والی بارش کے باعث نشیبی علاقوں میں پانی جمع ہوگیا، بحریہ ٹاؤن، کاٹھور سمیت ایم نائن کے اطراف کے علاقوں میں خوب بادل برسے، سرجانی، نارتھ کراچی میں بھی گھنے بادل بنے رہے اور بوندا باندی ہوئی۔
بحریہ ٹاؤن میں بارش کے ساتھ ژالہ باری بھی ہوئی، شہر کے شمالی مضافاتی علاقوں میں بارش کا سلسلہ وقفے وقفے سے جاری ہے۔
