راولپنڈی : راولپنڈی میں تھانہ ویسٹریج کے علاقے چوہڑ چوک میں شادی کی تقریب میں فائرنگ سے نوجوان جاں بحق ہو گیا۔
اس حوالے سے پولیس کا کہنا ہے کہ جاں بحق نوجوان کی شناخت 17 سالہ محمد راعیش کے نام سے ہوئی ہے، نوجوان دوست کی شادی پر فائرنگ کے لیے پستول لے کر گیا تھا۔
پولیس کا کہنا ہے کہ پستول نکالنے کے دوران ٹانگ پر گولی لگنے سے زخمی ہو گیا، زیادہ خون بہہ جانے سے نوجوان دم توڑ گیا۔
راولپنڈی پولیس کا کہنا ہے کہ شواہد جمع کر لیے گئے ہیں، مزید تحقیقات جاری ہیں۔
