لندن:برطانیہ نے فلسطین کوریاست تسلیم کرنے کا مشروط اعلان کردیا۔برطانوی وزیراعظم کیئر سٹارمر نے کہا کہ غزہ کی صورتحال نہ بدلی تو برطانیہ ستمبر میں فلسطین کوریاست تسلیم کرے گا۔
لندن میں کابینہ کے ہنگامی اجلاس کے بعدبرطانوی وزیراعظم نے کہا کہ فلسطین کو ریاست تسلیم کرنے کا وقت آگیا ہے ستمبر میں یواین جنرل اسمبلی اجلاس سے پہلے فلسطینی ریاست مشروط تسلیم کرلیں گے۔
کیئر سٹارمر نے مزید کہا کہ اسرائیل نے اگر جنگ بندی اور دو ریاستی حل پر پیشرفت نہ کی تو فیصلہ نافذ ہوگاغزہ کی صورتحال ناقابل برداشت، اسرائیل فوری جنگ بندی پر راضی ہو۔
