راولپنڈی :فیلڈ مارشل سیدعاصم منیر نے پنجا ب کے سیلاب سےمتاثرہ علاقوں سیالکوٹ ،شکرگڑھ ،نارووال اور کرتارپورکا دورہ کیا ۔دورے کامقصدسیلاب متاثرہ علاقوں کی صورتحال کاجائزہ لینا اورریلیف اورریسکیو سرگرمیوں کاجائزہ لیناتھا ۔
آئی ایس پی آر کےمطابق آرمی چیف کو موجودہ صورت حال اور بارشوں کے اگلے سپیل کی تیاریوں کے حوالے سے جامع بریفنگ دی گئی ۔فیلڈ مارشل سیدعاصم منیر نے جوانوں کے جذبے کو سراہا اور سول انتظامیہ کےساتھ بھرپور رابطے کے ذریعے ریسکیو کی کوششوں کو ستائش کی ۔انہوں نے سیلاب متاثرہ علاقوں میں بڑے پیمانے پر کی جانے والی کوششوں کی بھی تعریف کی ۔
آرمی چیف نے متاثرہ سکھ کمیونٹی کےساتھ بھی گفتگوکی اوراس بات کی یقین دہانی کرائی کی سیلاب سے متاثر ہونے والی تمام عبادت گاہیں بشمول دربار صاحب کرتار پور کو اصلی حالت میں مکمل طورپر جلد از جلد مکمل کی جائےگا ۔انہوں نے اس عزم کو دہرایا کہ ریاست کی ذمہ داری ہے کہ وہ اقلیتوں کے حقوق ان کے اداروں اور مذہبی عبادت گاہوں کی حفاظت کرے۔انہوں نے کہاکہ ریاست پاکستان اقلیتوں کی ذمہ داری کو بھرپورطریقے سے ادا کرے گی ۔
سکھ کمیونٹی نے آرمی چیف کے دورے کے دورے کو خوش آمدید کہا ۔انہوں نے آرمی چیف کاشکریہ ادا کیا اور مصیبت کی اس گھڑی میں سول انتظامیہ اور پاک فوج کے کردارکوسراہا ۔
چیف آف آرمی سٹاف نے دربارصاحب آف کرتارپور کافضائی جائزہ بھی لیا ۔سول انتظامیہ کے نمائندوں سےگفتگوکرتےہوئے فیلڈ مارشل سید عاصم منیر نے ان کی بروقت رسپانس کی تعریف کرتےہوئے کہاکہ آپ کی صلاحیتوں کی بدولت بڑے جانی اورمالی نقصان سے بچ گئے ہیں ۔
جوانوں سےخطاب کرتےہوئے آرمی چیف نے ان کے بلندحوصلے ،آپریشنل تیاریوں اورقوم کی خدمت کےجذبے کوسراہا ۔انہوں نے چیلنجنگ صورت حال میں ریسکیو اورریلیف آپریشن میں خدمات انجام دینے پر جوانوں کی تعریف کی ۔
قبل ازیں سیالکوٹ سیکٹر آمد پر چیف آرمی سٹاف کا کورکمانڈر گوجرانوالہ نے استقبال کیا۔
