Home کھیل اولیمپئن سمیت پانچ ہاکی کے کھلاڑیوں پر تاحیات پابندی عائد

اولیمپئن سمیت پانچ ہاکی کے کھلاڑیوں پر تاحیات پابندی عائد

Share
Share

 

 

کراچی:پاکستان ہاکی فیڈریشن (پی ایچ ایف) نے سابق قومی کپتان اولمپئین ناصر علی سمیت 5 افراد پر تاحیات پابندی لگادی۔

 

فیڈریشن کے صدر طارق بغتی اور سیکریٹری اولمپئین رانا مجاہد نے پریس کانفرنس میں کہا کہ پاکستان ہاکی کی تاریخ میں پہلی بار متوازی فیڈریشن بنانے پر پانچ افراد پر تاحیات پابندی لگائی گئی ہے۔

 

 

انہوں نے بتایا کہ جن افراد پر پابندی عائد کی گئی ان میں اولمپئین ناصر علی، اولمپئین خالد بشیر، اولمپئین سلیم ناظم ، انٹرنیشنل حیدر علی اور علی عباس شامل ہیں۔ صدر کے مطابق کانگریس میں فیصلہ ہوا ہے کہ متوازی باڈی لانے والوں پرتاحیات لگائی جا ئے۔

 

انہوں نے دعوٰی کیا کہ ہمیں وزیر اعظم میاں شہباز شریف اور ان کے مشیر رانا ثنا اللہ کی سپورٹ حاصل رہی جبکہ کور کمانڈر کراچی لیفٹیننٹ جنرل بابر افتخار نے ملاقات میں ہمیں اپنے تعاون کا یقین دلایا اور کراچی میں عبد الستار ایدھی ہاکی اسٹیڈیم کا چارج دلانے میں ہماری مدد کی۔

 

پریس کانفرنس میں اُن کا کہنا تھا کہ ہاکی اسٹیڈیم پاکستان ہاکی فیڈریشن کی ملکیت ہے، لاہور اور کراچی میں ہاکی اسٹیڈیم کے حالات بھی ایک جیسے ہیں ، کچھ وجوہات کی وجہ سے سندھ کے کھلاڑی قومی ٹیم میں منتخب نہیں ہوتے، پاکستان ہاکی میں ابھی بہتری کی ضرورت ہے۔

 

مقررین کا مزید کہنا تھا کہ چیف آف آرمی اسٹاف نے قومی ہاکی ٹیم کو مدعو کیا اور کامیابی کوسراہا جبکہ میڈیکل سہولیات کے لئے قومی ہاکی کھلاڑیوں کے لیے سی ایم ایچ کے میڈیکل کارڈ بنوا کر دیے۔

Share
Related Articles

چیمپئنز ٹرافی، بھارت نے پاکستان کوچھ وکٹوں سے شکست دے دی،ویرات کوہلی کی شاندار سنچری

آئی سی سی چیمپئینز ٹرافی کے اہم معرکے میں بھارت نے ویرات...

ویرات کوہلی نے سچن ٹنڈولکر کا تاریخی ریکارڈ اپنے نام کرلیا

دبئی:بھارت کے اسٹار بلے باز اور سابق کپتان ویرات کوہلی نے لیجنڈری...

پاکستان ڈربی ریس سردار نامی گھوڑے نے جیت لی،صدرزرداری نے جیتنے والوں میں انعامات تقسیم کئے

لاہور: لاہور ریس کلب میں منعقدہ پاکستان ڈربی ریس 2025 میں سردار...

انگلیںڈ اور آسٹریلیا کے درمیان میچ میں بھارتی ترانہ بجنے پرمداحوں کی آئی سی سی پر کڑی تنقید

لاہور:انگلیںڈ اور آسٹریلیا کے درمیان میچ میں انٹرنیشنل کرکٹ کونسل (آئی سی...