نئی دہلی:انٹرنیشنل کرکٹ کونسل (آئی سی سی) ورلڈ کپ 2023ء نے ایک اور سنگِ میل عبور کر لیا۔آئی سی سی کرکٹ ورلڈ کپ 10 لاکھ سے زائد فینز کا سب سے بڑا ورلڈ کپ بن گیا۔
انٹرنیشنل کرکٹ کونسل (آئی سی سی) نے کہا ہے کہ اب تک 10 لاکھ سے زائد فینز اسٹیڈیمز میں میچز دیکھ چکے ہیں۔آئی سی سی کا کہنا ہے کہ یہ کرکٹ کی تاریخ کا فینز کی تعداد کے حوالے سے سب سے بڑا ایونٹ بن گیا ہے۔
آئی سی سی 10 لاکھ تماشائیوں کا سنگِ میل جنوبی افریقا اور افغانستان کے میچ میں عبور ہوا، یہ میچ نریندر مودی اسٹیڈیم احمد آباد میں کھیلا گیا تھا۔
خیال رہے کہ ورلڈ کپ کے ابھی 15 اور 16 نومبر کو سیمی فائنلز اور 19 نومبر کو فائنل بھی باقی ہے۔ آئی سی سی ایونٹس ہیڈ کرس ٹیٹلے کا کہنا ہے کہ ریکارڈ تماشائیوں کا آنا ون ڈے کرکٹ فارمیٹ میں فینز کی دلچسپی کا ثبوت ہے۔
