پشاور: پاکستان تحریک انصاف ضلع خیبر کے نظریاتی کارکنوں نے انٹرا پارٹی الیکشن مسترد کر دیئے۔
تحریک انصاف ضلع خیبر کے کارکنوں نے پلے کارڈ اٹھا کر احتجاج کیا جن پر انٹرا پارٹی الیکشن نامنظور کے الفاظ تحریر تھے، پی ٹی آئی کا مظاہرہ خیبر گیٹ کے سامنے ہوا جس میں نظریاتی کارکنوں نے شدید الفاظ میں نعرے بازی بھی کی۔
پی ٹی آئی کارکنوں نے انٹرا پارٹی الیکشن مسترد کرتے ہوئے الیکشن کمیشن سے استدعا کی کہ اس کے خلاف ایکشن لیا جائے۔
