اگر قومی الیکشن ملتوی کیے تو خطرناک نتائج آئیں گے،شاہد خاقان عباسی

اسلام آباد:پاکستان مسلم لیگ ن کے سینئر رہنماء شاہد خاقان عباسی کاکہنا ہے کہ صوبوں میں الیکشن ملتوی کرنے کا تماشا ملک دیکھ چکا ہے، اب مرکز میں انتخابات ملتوی کرنا کوئی حل نہیں ہے۔

نجی ٹی وی پروگرام میں گفتگو کرتے ہوئے شاہد خاقان عباسی کا کہنا تھا کہ الیکشن کافیصلہ عوام پر چھوڑ دیں۔ اگر مذاکرات کے بغیر الیکشن میں گئے تو نتائج نہیں ملیں گے۔

شاہد خاقان عباسی نے مزیدکہا کہ کسی جماعت میں صلاحیت نہیں کہ وہ مسائل کاحل نکال سکے، اگر قومی الیکشن ملتوی کیے تو خطرناک نتائج آئیں گے۔