آئندہ برس مئی سے انسٹنٹ میسجنگ ایپلی کیشن واٹس ایپ متعدد آئی فون ڈیوائسز پر کام کرنا بند کر دے گی۔
5 مئی سے شروع ہونے والے اس آپریشن میں واٹس ایپ ان آئی فون ڈیوائسز میں استعمال نہیں کیا جا سکے گا جس میں 15.1 سے پُرانا آئی او ایس ورژن زیرِ استعمال ہوگا۔ جس کا مطلب ہے کہ آئی فون 5 ایس، آئی فون 6 اور آئی فون 6 پلس کے صارفین واٹس کو استعمال نہیں کر سکیں گے۔
اس وقت واٹس ایپ اینڈرائیڈ 5.0 اور اس کے بعد کے ورژن رکھنے والی ڈیوائسز اور آئی او ایس 12 اور اس کے بعد کے ورژن رکھنے والے آئی فونز میں فعال ہے۔ تاہم، ٹیکنالوجیکل جدت کو یقینی بنانے کے لیے واٹس ایپ اپنے پرانے آپریٹنگ سسٹمز سے ایپ کی سپورٹ ختم کرنا شروع کر دے گی۔
واٹس کی جانب سے کیے جانے والے اس اقدام سے اینڈرائیڈ صارفین متاثر نہیں ہوں گے اور وہ ایپ کو معمول کے مطابق استعمال کر سکیں گے۔
