گلگت: گلگت بلتستان کے چیف سیکرٹری محی الدین وانی نے واضح کیا ہے کہ گلگت بلستان میں امن و امان کی صورتحال دوسرے صوبوں کی نسبت بہت بہتر ہے۔فوج کی تعیناتی سے متعلق خبروں میں کوئی صداقت نہیں۔
محی الدین وانی نے کہا سیاحت کا سیزن ہے، اس وقت گلگت بلتستان میں ہزاروں سیاح موجود ہیں، سوشل میڈیا پرمنفی پراپیگنڈا کرنے کی کوشش کی گئی، سوشل میڈیا کے غلط استعمال پر دو افراد کو جیل بھیجا گیا، چہلم حضرت امام حسینؓ کے لئے سکیورٹی کے غیر معمولی اقدام کئے جارہے ہیں۔
چیف سیکرٹری نے مزید کہا پاک فوج کی تعیناتی کے حوالے سے خبروں میں کوئی صداقت نہیں، تمام کارباری مراکز، مارکیٹیں، سکول، سرکاری دفاتر کھلے ہیں، حکومت کی کوشش ہے گڈ گورننس کو مزید بہتر کرے، چہلم حضرت امام حسینؓ کے موقع پر پاک فوج، سول آرمڈ فورسز کی خدمات لی جارہی ہیں۔
