وزیراعظم شہباز شریف کی کوریا کے نومنتخب صدر لی جے میونگ کو مبارکباد

اسلام آباد: وزیراعظم محمد شہباز شریف نے کوریا کے صدارتی انتخابات میں کامیابی پر لی جے میونگ کو مبارکباد پیش کی ہے۔

اپنے تہنیتی پیغام میں، وزیراعظم نے صدر منتخب ہونے پر لی جے میونگ کے لیے نیک خواہشات کا اظہار کیا۔

وزیراعظم نے کہا کہ پاکستان، صدر لی جے میونگ کی قیادت میں کوریا کے ساتھ دوطرفہ تعلقات کو مزید وسعت دینے اور باہمی تعاون کو فروغ دینے کے لیے مل کر کام کرنے کا خواہاں ہے۔