کوہلو: بلوچستان کے علاقے کوہلو میں قومی اسمبلی کے حلقہ این اے 253 اور پی بی 9 کے7 پولنگ سٹیشنز پر آج دوبارہ پولنگ ہو رہی ہے۔
الیکشن کمیشن کے مطابق آج کی پولنگ میں 8 ہزار 263 ووٹرز حق رائے دہی استعمال کریں گے، ری پولنگ کیلئے 5 مشترکہ اور 2 خواتین پولنگ سٹیشنز قائم کیے گئے ہیں۔
الیکشن کمیشن نے کہا ہے کہ پولنگ کا عمل صبح 8 بجے سے شروع ہو کر بغیر کسی وقفے کے شام 5 بجے تک جاری رہے گا۔
ساتوں پولنگ سٹیشنز پر مختلف وجوہات کی بناء پر 8 فروری کو پولنگ موٴخر کردی گئی تھی جہاں ری پولنگ آج دوبارہ ہو رہی ہے۔
خیال رہے کہ گزشتہ روز گھوٹکی، کوہاٹ اور خوشاب کے چند پولنگ سٹیشنز پر ری پولنگ کی گئی تھی، مختلف وجوہات کی بناء پر موٴخر کی گئی پولنگ صبح 8 بجے سے شام 5 بجے تک بغیر کسی وقفے کے جاری رہی۔
