راولپنڈی:سکیورٹی فورسز نے خفیہ اطلاع پر ٹانک میں آپریشن کے دوران 10 دہشت گرد جہنم واصل کر دیئے۔
آئی ایس پی آر کے مطابق دہشت گردوں کی موجودگی کی اطلاعات پر ضلع ٹانک کے علاقہ پیزو میں آپریشن کیا گیا، آپریشن کے دوران سکیورٹی فورسز اور دہشت گردوں کے درمیان شدید فائرنگ ہوئی، فائرنگ کے تبادلے میں 10 دہشت گرد مارے گئے ۔
آئی ایس پی آرکا کہنا ہے کہ ہلاک دہشت گرد سکیورٹی فورسز پر حملوں، بھتہ خوری اور شہریوں کے قتل میں ملوت تھے، دہشت گردوں سے اسلحہ بارود بھی برآمد ہوا۔
آئی ایس پی آرکا کہنا ہے کہ علاقہ مکینوں کی جانب سے دہشت گردوں کیخلاف آپریشن پر سکیورٹی فورسز کو خراج تحسین پیش کیا گیا۔
آ ئی ایس پی آر کے مطابق سکیورٹی فورسز ملک میں دہشت گردی کے مکمل خاتمے کے لیے پُرعزم ہیں۔
