اسلام آباد:اسلام آباد ہائی کورٹ نے جیل رولز میں قیدیوں کی سیاسی گفتگو پر پابندی کو آئین کی شقوں سے متصادم قرار دے دیا۔
اسلام آباد ہائی کورٹ کے جسٹس سردار اعجاز اسحاق خان نے شیرافضل مروت کی درخواست پر فیصلہ جاری کردیا، جس میں کہا گیا ہے کہ قیدیوں کی سیاسی گفتگو پر یکسر پابندی آئین کی ایسوسی ایشن اور اظہار رائے کی آزادی کی شقوں سے متصادم ہے۔
واضح رہے کہ بانی پاکستان تحریک انصاف کی سیاسی رہنماؤں سے ملاقاتوں پر پابندی کی وجہ جیل رولز کی یہ شق بتائی گئی تھی۔
بانی پی ٹی آئی کی ملاقاتوں پر پابندی کے بعد اسلام آباد ہائی کورٹ میں شق 265 کالعدم قرار دینے کی درخواست دائر کی گئی تھی۔
