اسلام آباد:اسلام آباد ہائیکورٹ نے توشہ خانہ نیب کیس میں چیئرمین پی ٹی آئی کی درخواست ضمانت بحالی کی استدعا منظور کرلی۔
ہائیکورٹ کے چیف جسٹس عامر فاروق نے توشہ خانہ نیب کیس میں ضمانت بحالی کی درخواست پر محفوظ فیصلہ جاری کردیا۔
عدالت نے چیئرمین پی ٹی آئی کی 190 ملین پاوٴنڈ اسکینڈل میں گرفتاری کی وجہ سے ضمانت بحالی کی درخواست غیر موٴثر قرار دے دی جبکہ توشہ خانہ کیس میں درخواست ضمانت بحال کردی۔
احتساب عدالت نے عدم پیروی پر دونوں ضمانتیں خارج کی تھیں۔ چیئرمین پی ٹی آئی نے احتساب عدالت کا فیصلہ ہائیکورٹ میں چیلنج کیا تھا۔
