واشنگٹن:امریکہ کے صدر ڈونلڈ ٹرمپ نے کہا ہے کہ امریکہ کو ایران کے ساؤتھ پارس گیس فیلڈ پر حملے کا علم نہیں تھا تاہم اب اسرائیل دوبارہ پارس گیس فیلڈ پر حملہ نہیں کرے گا۔
سوشل میڈیا ٹروتھ سوشل پر اپنے پیغام میں ٹرمپ نے کہا کہ اگر ایران دوبارہ قطر پر حملہ کرتا ہے تو کشیدگی بڑھ سکتی ہے۔انہوں نے خبردار کیا کہ ایران نے دوبارہ قطر پر حملہ کیا تو ایران کی بڑی گیس فیلڈ کو تباہ کر دیں گے۔ ٹرمپ نے اپنے پیغام میں مزید کہا کہ غصے میں اسرائیل نے حملہ کیا جس سے معمولی نقصان ہوا ۔انہوں نے کہا کہ قطر کے راس لفان میں ایل این جی گیس فیسلٹی پر ایران کے جوابی حملے بلا جواز اور غیر منصفانہ تھے۔
انہوں نے ایران کے ساؤتھ پارس گیس فیلڈ کو انتہائی اہم اور قیمتی قرار دیتے ہوئے کہا کہ اسرائیل دوبارہ اس پر حملہ نہیں کرے گا۔انہوں نے کہا کہ امریکہ کا ایران پر یہ حملہ ایسا ہوگا کہ ایسی طاقت کا استعمال ایران نے پہلے کبھی نہیں دیکھا ہوگا ۔انہوں نے مزید کہا کہ وہ تشدد اور تباہی کی اس سطح کی اجازت نہیں دینا چاہتے کیونکہ اس کے ایران پر طویل مدتی اثرات ہوں گے۔
