دھرم شالا: آئی سی سی کرکٹ ورلڈکپ کے ساتویں میچ میں بنگلادیش کے خلاف انگلینڈ کی بیٹنگ جاری ہے۔
آئی سی سی کرکٹ ورلڈکپ کے ساتویں میچ میں بنگلادیش کے خلاف انگلینڈ کی پہلی وکٹ 115 رنز پر گرگئی، اوپننگ بیٹسمین جونی بیرسٹو 52 رنز بنا کر پویلین لوٹ گئے۔
اس سے قبل انگلینڈ کی جانب سے ڈیوڈ میلان اور جونی بیرسٹو نے اننگز کا آغاز کیا اور دونوں نے بنگلا دیشی باوٴلر پر لاٹھی چارج کرتے ہوئے 9 اوورز میں ففٹی مکمل کی۔
دونوں ٹیموں کے درمیان میچ بھارت کے دھرم شالا سٹیڈیم میں کھیلا جارہا ہے۔
قبل ازیں بنگلا دیش کے کپتان شکیب الحسن نے ٹاس جیت کر انگلینڈ کو پہلے بیٹنگ کرنے کی دعوت دی تھی۔
یاد رہے کہ دونوں ٹیموں کا یہ دوسرا میچ ہے، اس سے قبل انگلینڈ کو اپنے پہلے میچ میں نیوزی لینڈ کے ہاتھوں شکست ہوئی تھی جبکہ بنگلا دیش نے اپنا پہلا میچ جیتا تھا۔
